Sunnudagaskólinn verður á sínum stað klukkan 11:00. Sunnudagaskólakennarar leiða stundina.

Í tilefni af allraheilagramessu verður kvöldguðsþjónustan kl. 20:00 ljúf minningarstund þar sem fólk getur minnst ástvina sem fallnir eru frá.
Kór Lindakirkju, undir stjórn Óskars Einarssonar, syngja hugljúf lög og sálma sem hæfa tilefninu.
Og hjónin Rolf Gaedeke og Ulla Nachtnebel leika á básúnu og hörpu. Boðið verður upp á að kveikja á kertum til minningar um ástvini.
Séra Ólafur Jóhann Borgþórsson verður með hugleiðingu um sorg, söknuð og sorgarúrvinnslu.

Guðsþjónustunni verður streymt á facebooksíðu og heimasíðu Lindakirkju.

Öll hjartanlega velkomin!